Санҷиши асолати матни диссертатсия ва ё автореферати он пеш аз ҳимоя
Ба таваҷҷуҳи довталабони дараҷаҳои илмӣ расонида мешавад, ки минбаъд санҷиши асолати матни диссертатсия ва ё автореферати он пеш аз ҳимоя бо хоҳиши довталабон дар Комиссияи олии аттестатсионии назди Президенти Ҷумҳурии Тоҷикистон (минбаъд - КОА) (қарори Раёсати КОА аз 28 октябри соли 2021, №8) ба роҳ монда мешавад. Барои санҷиш нусхаи электронии диссертатсия ва ё автореферати он, рӯйхати интишороти довталаб ва нусхаи расиди пардохти ҳаққи хизматрасонӣ (ниг. ба нархномаи хизматрасониҳои давлатии пулакии КОА) ба почтаи электронии КОА Этот адрес электронной почты защищен от спам-ботов. У вас должен быть включен JavaScript для просмотра. пешниҳод карда мешавад. Натиҷаи санҷиш низ ба тариқи почтаи электронӣ на дертар аз 5 рӯзи корӣ ирсол карда мешавад.Лозим ба ёдоварист, ки қабули диссертатсия ва ё автореферати он танҳо тариқи электронӣ амалӣ мегардад.Ҳангоми пайдо шудани саволҳо оид ба санҷидани асолати матни диссертатсия ва ё автореферати он ба рақамҳои (+992 37) 227 77 96 муроҷиат намоед.Фармоиши №326 (Оид ба санҷиши матни диссертатсия ва автореферат)
1.Талаботи низомномавӣ ва дастурамалҳои меъёрии КОА вобаста ба сохтори диссертатсия ва барасмиятдарории он
Сохтори диссертатсия: Сарсаҳифа, Мундариҷа, Номгӯи ихтисораҳо ва (ё) аломатҳои шартӣ, Муқаддима (Мубрамӣ ва зарурати баргузории таҳқиқот аз рӯйи мавзӯи диссертатсия, Дараҷаи азхудшудаи масъалаи илмӣ ва заминаҳои назариявию методологии таҳқиқот) Тавсифи умумии таҳқиқот (Ҳадафи таҳқиқот, Объекти таҳқиқот, Мавзӯи таҳқиқот, Масъалаҳои таҳқиқот, Усулҳои таҳқиқот, Соҳаи таҳқиқот, Марҳилаҳои таҳқиқот, Пойгоҳи асосии иттилоотӣ ва озмоишии таҳқиқот, Эътимоднокии натиҷаҳои диссертатсионӣ, Навгониҳои илмии таҳқиқот, Аҳамияти назарии таҳқиқот, Аҳамияти амалии таҳқиқот, Нуктаҳои ҳимояшавандаи диссертатсия, Саҳми шахсии довталаб, Таъйиди диссертатсия ва иттилоот оид ба истифодаи натиҷаҳои он, Интишори натиҷаҳои диссертатсия, Сохтор ва ҳаҷми диссертатсия), Қисми асосии таҳқиқот (бобҳо, параграфҳо), Хулосаҳо (1. Натиҷаҳои асосии илмии диссертатсия. 2. Тавсияҳо оид ба истифодаи амалии натиҷаҳо), Номгӯи адабиёт (1. Феҳристи сарчашмаҳои истифодашуда. 2. Феҳристи интишороти илмии довталаби дарёфти дараҷаи илмӣ), Замимаҳо.